نشأته

مراجع



ولد في عنيزة عام 1377 التحق الخدمة العسكرية في 4/1/1405 هـ بالمرور، وظل فيها حتى تقاعد منها قبل شهرين



من وفاته بناء على طلبه، وكان وقتها برتبة رقيب.. ولقد لعب وحور كثير من الشعراء الكبار منهم أحمد الناصر وخليف بن دواس وصياف الحربي والمعنى البقمي وابو مشعاب


وبكر الحضرمي ورشيد الزلامي ومستور العصيمي ومفرح الضمني المطيري ومحمد بن جرشان وجزاءالله السواط وقد لعب مع شعراء جيله منهم رفيق دربه عبد الله بن شايق الذي اعتزل المحاوره من بعده وعبدالله الميزاني وفيصل الرياحي وسلطان الهاجري وفلاح القرقاح وحبيب العازمي وفيحان القعياني ومحمد السناني وزيد العظيله ونواف العازمي وملفي المورقي وتركي الميزاني ومنيف المنقره وقد لعب في جميع أنحاء الممكله والكويت وقطر والإمارات وكان شاعر ذو حضور قوي جدا وسرعة بديهه ومعرفة تامه بتاريخ وأيام العرب ممامكنه من تسجيل اسمه كواحد من اعظم فرسان المحاوره.

عن الشاعر

شاعر معروف كان له حضور إعلامي كبير بحكم حضوره الأدبي الكبير في ساحات المحاورة.. وهو إلى ذلك كله



شاعر قصيد بارع.. لكنه اشتهر أكثر ما اشتهر بالمحاورة، والمحاورة لها عشاق كثيرون، وشعراء المحاورة



يجوبون أرجاء الجزيرة والخليج ليُحيوا الحفلات الرسمية والخاصة، لذلك تكثر صداقاتهم وعداواتهم كذلك



كان يوصف بالفطنة، وحدة الذكاء، وسرعة البديهة، والمرح وخفة الروح ولا شك أن هذه الصفات



ترفع شاعر المحاورة إلى سنام المجد



وقد لعب في شعر المحاورة مع عدد من عدد من الشعراء امثال عبد الله بن شايق وفصيل الرياحي وحبيب العازمي ورشيد الزلامي ومحمد بن مشيط·


وهذه محاورة له مع الشاعر الكبير رشيد الزلامي



عبد الله العير المطيري






سلام يا اصحابنا اللي جيتهم بالوعدوانا ليا جتنـي الدعـوات لبيتهـا



اصفى سما نجد لابارق ولامن رعدوانا لمحت المزن ورعوده اوحيتها



رشيد الزلامي العتيبي






الله يحييـك ترحيـبٍ بليـا عــددقدمك رجـالٍ ترحبـك ليـا جيتهـا



بس المصيبه تجيهم وانت مامعك احدقامت بك الأرض واشتغلت عفاريتها



عبد الله العير المطيري






البارحه يارشيد وليت الأول بعدوشلون حال الجماعة يوم مريتها



حنّا طراقي ولاحنّا من اهل البلدلكن دعوتك هذي تعرف بويتها



رشيد الزلامي العتيبي






ان كان تنشد جماعتنا بحـال السعـدومطير ماهي على الـدرب وتعديتهـا



وش رايكم في عجوز بليس جابت ولدواليا اسـر الله ضحكتـك وبكيتهـا



عبد الله العير المطيري






الله ولا النشده اللـي تاليتهـا نكـدوشلون موجتـك للمطـران فريتهـا



اللي عطتك البريره وانت وسط المهدقالوا لي انك بعد شيّبـت جازيتهـا



رشيد الزلامي العتيبي






الله يعلم رشيد وقصده اللـي قصـدمطير من قبـل جيرانـي وحبيتهـا



لاتحفر المقبره يطبق عليـك اللحـدواللي عطتني البريره جيت وارضيتها



عبد الله العير المطيري






الليلة انته بعيرٍ تنتظـم وتهبـدماتنتثنّى يدينـك ميـر ثنيتهـا



اللي عطتك البريره حظها منقردعرضتها لاهب الكنّه وخليتهـا



رشيد الزلامي العتيبي






الموج اشوفه طفح والبحر جاله زبدلكنّ ذيك البضاعـه ويـن وديتهـا



فزعتك عشرين واللي طاح واللي قعدوخمخمتها في ظلام الليل واخطيتهـا



عبد الله العير المطيري






حطيتها في بيوتٍ جودت بالعمدوانته تباها لكنّـك ماتحليتهـا



الله يعذبك كيف اشغلتني بالنشدعن حرجةٍ تطلب الميته وذكيتها



رشيد الزلامي العتيبي






اقول سبحانك الخلاق فردٍ صمـدعيون فتحتها وعيـونٍ اعميتهـا



يالعير دم الخواجه ماع مدري جمدوارد عراوي دخل ماها على زيتها



عبد الله العير المطيري






الله ليا راد له حاجه بليا جهـدحرّم عليك الزقاره وانت كنيتها



ماعاد عند الخواجه دم كله نفداتعبت رجلك على دربه وعنيتها.

أبنائه

خلف أربعة من الأولاد، ابنا واحدا (عبيد) وثلاث بنات (مريم - وجدان - عبير)

وفاته

توفي ليلة الخميس 25/9/2003 إثر حادث أليم وقع له على طريق المجمعة الكويت



بين مركز أم الجماجم ومركز ام رقيبة, حيث كان قادماً من محافظة حفر الباطن متجهاً لمنزله



بمحافظة عنيزة.. وكانت آخر حفلة أحياها في الصباحيه بالكويت يوم الأربعاء 20/7/1424 هـ



وكان معه سلطان الهاجري وذيب الشمري.. وذكر الشاعر سلطان الهاجري أنه بعد منتصف الليل لتلك الحفلة



و في تمام الساعة الواحدة (قال لي عبد الله لك عادات تفرج الكرب يعني فيما معناه (أنهي الحفلة بدري)



وأنهيت الحفلة ومن ثم قال لي عندي الأسبوع القادم حفلة في محافظة الحفر (والله اني كارهها عسى الله يكفيني شرها).



وصلي عليه يوم الجمعة في مدينة عنيزة وقد حضر جنازته الألاف من محبيه وجمهوره في مواكب مهيبه دلت على مكانته في المجتمع السعودي.



وقد رثاه الشعراء ومحبوه من أقاربه وعاشقي فنه وأدبه.. قال الشاعر زيد العضيلة



البسي ياساحة الشعـر ملبـوس الحـداد


واعلني هجري عن الملعبه ستيـن يـوم


صمت عن خوض الملاعب ونزلت الشداد


كود اضنه يدله القلـب وتخـف الهمـوم


هم من فرقـاه حشـت معاليـق الفـواد


تاج راسي عزوتي كـل ماجـت للـزوم


والعزا لمطيـر ماهـوب ليّـه بانفـراد


يامطير الله يحسن عزاكـم بـه عمـوم


وكل جمهوره بعد في جميع انحـا البـلاد


عظم الله اجركم في الفقيد اغلى النجـوم


والله اني كل ماجيـت اكـف الدمـع زاد


مير هذي قسمة الله وترضينـا القسـوم


ياكريـم الوجـه يالله يــارب العـبـاد


طالبك ياواحـدٍ غيـر وجهـك مايـدوم


ارحمه واغفـر ذنوبـه ياعـلاّم العـاد


أنت ملجأ مـن لجابـك وغفّـارٍ رحـوم



وقال سالم الهريساني



مرحوم ياللي بأسفل القبر حطوه


هلّوا ترابه ثم جابـوا نصايـب


نبكيه واللي يعرفونـه بيبكـوه


الشاعر ابن عبيد حاظر وغايب


الشعر بعده ياهل الشعر عـزوه


جرحه عميق ولاتفيد الطبايـب


لو الفقيـد يـرده الدمـع ردوه


كل القبايل بالبكـاء والقرايـب


لوحاولوا ينسون فعله مينسـوه


يشهد صغير السن فعله وشايب


سجله التاريـخ والكـل زكـوه


بالفعل مامثله عطيب الضرايب


اعزي الاخوان واعزي ابـوه


واعزي الاقراب هو والنسايـب


واعزي اللي كلبوهـم يحبـوه


واهل عنيزه متعبين الركايـب



وقال مطر العير شقيق عبد الله العير الأصغر



جتني تهل الدمع وتقـوم وتطيـح


مريم حشاشة جوف عبد الله العيـر


قامت تلج بعالي الصوت وتصيـح


مريم حشاشة جوف عبد الله العيـر


الموت مايحتـاج ياعـم تصريـح


امر الولي ماشي على كبار وصغير


جعل السحايب فوق قبره مراويـح


وبنبت عليه من النفل والنواويـر


الله يوسـع لـه بقبـره تباريـح


ويغفر له الله يوم صف الطوابيـر


ويجبر عزانا في العيال المجاريـح


وتغفر ذنوب اللي رفع راية مطير



وقال بدر بن غازي المطيري



يابيوت القصايـد اكتسـي بالسـواد


ونكسّي كل حرفٍ ياحروف القصايـد


وزعي الهـم بمطيـر الوفيـه بـداد


وارثي العير عبد الله وسيـع البنايـد


جعل منزلك جنه فـي سـلام وبـراد


جعل ماتشوف عينه الردى والنكايـد


جاني العلم يـوم ان الخلايـق رقـاد


فجر يوم الخميس العلم عسرٍ وكايـد


علم منّه حمـار النـار عـوّد رمـاد


وكل شيءٍ جديـد منّـه يعـود بايـد


عزتي للشعـر بعـده قليـل المـراد


عزتـي للمواقـف والنبـا واللهايـد


عزتي للمعانـي والسيـوف الحـداد


ول شب الخبر في وسط صدري وقايد


اذكره بالمجابـه والحـروف الشـداد


راح ماخلّف الا بيت يبنـي الشدايـد


وخلّف علـوم عـزٍ كلبوهـا وكـاد


وعقّب بوسط قلبي جرح جرح ونكايد



رحم الله الشاعر عبد الله العير رحمة واسعة، وأسكنه فسيح جنانه..

* *

مما وجدته من قصائده قوله مرثية في سامي سليمان العجلان



يالله ياللـي كلنـا مـنّـك وإلـيـك


ياللـي بذكـرك تستـلـذ ألسنتـنـا


وقلوبنا بيـن اصبعيـنٍ مـن ايديـك


وان كــان ماثبتـهـا ماثبـتـنـا


نهـار تلفضنـا المقابـر ونآتـيـك


مـن خشيـةٍ فينـا نظرنـا تحتـنـا


عريـا وزريـا خاضعيـنٍ مداريـك


صكـة عليـنـا ذلــةٍ غاشيتـنـا


وان ماتهيّت رحمـةٍ مـن مناشيـك


والا تــرا مــا اعمالنامنجيتـنـا


منك الرجاء وانت الرجاء والرجاء فيك


تستـر علـى خلاتـنـا فآخرتـنـا


وترحم جنازة مسلـمٍ فـي حراويـك


اغلـى جنـازة مـؤمـنٍ فارقتـنـا


وتغسل ذنوبه بالبـرد مـن حسانيـك


وترفـع مقامـه مـع مقـام انبيتنـا


عبدٍ خجول ومقفـيٍ عـن معاصيـك


متـذكـرٍ لــه سـاعـةٍ قافيتـنـا (سامي) عسى اعمالك بقبرك تسليـك


وتونسـك فـي وحشـةٍ موحشتـنـا


ويمدلـك بالقبـر نــورٍ يبـاريـك


في جـاه مـن يعلـم بغيـب افئدتنـا


ويلطف ببوك اللـي لسانـه بطاريـك


اللـي قضـى وقتـه يربّـي ويتنـا


وتجبر عزا امٍ ترجـي الله وترجيـك


اللـي عليـك مـن الحـزن حزنتنـا


وحنّا ترانا مـن غـلا ابـوك نغليـك


وان مادعينـا لـك ظلمنـا بختـنـا


اللـي علـى درب المراجـل مربيـك


مديرنـا الـلـي رافــعٍ منزلتـنـا


يكفيه من جور الزمـن فجعتـه فيـك


اللـي نبـي نبطـي وهـي موجعتنـا


جينا يابوسامـي (بسامـي) نعزيـك


وانتـه تعزيـنـا عـلـى فاجعتـنـا


مير استعن بالله عسـى الله يقويـك


علـى مقاديـرٍ خــذت ماعطتـنـا



شريط بوابات أعلام



تصنيف مواليد 1376 هـ


تصنيف شعراء شعبيون سعوديون


تصنيف وفيات 2003


تصنيف شعراء محاورة


تصنيف أشخاص من قبيلة مطير







_


صندوق معلومات شخص


اسم عبد الله عبيد مطر العير العضيلة المطيري


صورة


حجم الصورة


تاريخ الولادة 1965 مكان الولادة عنيزة


تاريخ الوفاة 25 - 9 - 2003


مكان الوفاة


التعليم


المهنة شاعر نبطي


اللقب العير


الزوجة ----


القبيلة مطير


الأولاد مريم _ وجدان _ عبيد _ عبير


الجنسية السعودية


الموقع